صدر ریجنل یونین آف جرنلسٹس ساہیوال چوھدری نجیب احمد کی زیر صدارت اجلاس، مہمان خصوصی جنرل سیکرٹری عابد مغل
رانا و حید بیورو چیف نوائے وقت ، ڈان ٹی وی
ساہیوال: ٹرین مارچ پشاور سے شروع ہو کر کراچی اختتام پذیر ہوگا اس ٹرین مارچ کا مقصد علاقائی صحافیوں کو وہ مقام دلانا ہے جو ان کا حق ہے صحافیوں کے بچوں کے لیے تعلیم صحت اور دیگر بنیادی سہولتیں ان کا حق ہے
صدر ریجنل یونین آف جرنلسٹس ساہیوال چوھدری نجیب احمد کی زیر صدارت اور اس تقریب کے مہمان خصوصی جنرل سیکرٹری RUJعابد مغل تھے۔
آج ہم یہاں صرف ایک اجلاس کے لیے نہیں، بلکہ ایک عہد کی تجدید کے لیے جمع ہوئے ہیں عہد صحافت، عہد حق گوئی، اور عہد انصاف کے لیے۔
پانچ نومبر کو ریجنل یونین آف جرنلسٹس اپنی تاریخ کا ایک اہم قدم اُٹھانے جا رہی ہے ایک ٹرین مارچ۔
یہ مارچ صرف ایک سفر نہیں، یہ ہمارے علاقائی صحافیوں کی آواز ہے، جو برسوں سے نظرانداز کیے گئے مسائل، وسائل کی کمی، اور عدم تحفظ کے خلاف اُٹھ رہی ہے۔
ہم چاہتے ہیں کہ صحافی چاہے وہ لاہور میں ہو یا ساہیوال بہاولنگر میں ہو یا خانیوال سب کو برابر کے مواقع، سہولتیں، اور عزت ملے۔
ہم چاہتے ہیں کہ صحافت کے محاذ پر کھڑے مقامی صحافیوں کو ان کا جائز مقام دیا جائے۔
ہم حکومتِ وقت سے، اداروں سے، اور صحافتی تنظیموں سے مطالبہ کرتے ہیں کہ وہ علاقائی صحافیوں کے حقوق کو تسلیم کریں، ان کے لیے تحفظ، تربیت، اور ترقی کے دروازے کھولیں۔
ہم سچ کی راہ پر ہیں، اور سچ کی راہ کبھی آسان نہیں ہوتی — مگر ہم عزم کیے بیٹھے ہیں کہ
“قلم جھکے گا نہیں، اور سچ دبے گا نہیں
ھم اپنے تمام ساتھیوں سے اپیل کرتا ہوں کہ پانچ نومبر کے ٹرین مارچ کو ایک تاریخی دن بنائیں —
یہ مارچ صرف سفر نہیں، بلکہ ہماری آواز، ہمارا حق، اور ہمارا مستقبل ہے۔
اللہ ہمیں اتحاد، استقامت، اور کامیابی عطا فرمائے۔
